Энэхүү тайлан нь жендэрийн эрх тэгш байдлыг хангах удирдлага зохион байгуулалт, тогтолцоо, манлайллын чиглэлээрх ажлын явц, үр дүн; жендэрийн мэдрэмжтэй бодлого төлөвлөлт хийх чиглэлээрх ажлын явц, үр дүн; жендэрийн мэдрэмжтэй төсөвлөлт, санхүүгийн удирдлагын ажлын явц, үр дүн; жендэрийн бодлого төлөвлөлтийн гүйцэтгэл, тайлагналт, хяналт шинжилгээ, үнэлгээний чиглэлээрх ажлын явц, үр дүн; жендэр судлалыг хөгжүүлэх чиглэлээрх ажлын явц, үр дүн болон жендэрийн эрх тэгш байдлыг хангах сургамж ба сорилт, цаашид хэрэгжүүлэх арга хэмжээг тус тус багтаасан.

Тус яаманд хүргэх ерөнхий зөвлөмж нь:

Аймаг, сум, дүүрэг, хорооны түвшинд төрийн байгууллагын нэгжүүдийн ялгаатай чиг үүрэгтэй уялдсан жендэрийн бодлого төлөвлөлт, төсөвлөлтийн сургалтын хөтөлбөр боловсруулж  нэвтрүүлнэ.

Бүх салбарт хэрэглэх ЖМТ-ийн загвар гарын авлага боловсруулна.

Орон нутгийн түвшин (аймаг, сум, нийслэл, дүүргийн  онцпогт нийцүүлэн)-д ЖМТ-ийг хэрэгжүүлэх удирдамж боловсруулж, нэвтрүүлнэ.

Төсвийн зарцуулалтад жендэрийн шинжилгээ хийх гарын авлага боловсруулна.

Төсвийн ерөнхийлөн захирагчдын ЖМТ-ийг хэрэгжүүлэх чадавхыг нэмэгдүүлнэ.

Жендэрийн дүн шинжилгээ хийгдэх зардал, орлогыг нэмэгдүүлэх замаар ЖМТ-ийг үе шаттайгаар хэрэгжүүлнэ.

Үндэсний болон орон нутгийн түвшинд ЖМТ-ийн хэрэгжилтэд аудит хийх тогтолцоог бий болгоно.

ЖМТ-ийг Төрийн санхүүгийн удирдлагын бүрэлдэхүүн хэсэг болгоно.