“ХОРООНЫ ГИШҮҮНИЙ ЦАГ” НАЙМ ДАХЬ УДААГИЙН УУЛЗАЛТ ЗОХИОН БАЙГУУЛАГДЛАА

Жендэрийн үндэсний хорооны Ажлын албанаас санаачлан Жендэрийн эрх тэгш байдлыг хангах салбар дундын стратеги төлөвлөгөө /2022-2031/-г хэрэгжүүлэх,  Хорооны гишүүдийн хамтын ажиллагааг дэмжих, харилцан мэдээлэл солилцох зорилго бүхий "Хорооны гишүүний цаг" "ТОГТМОЛ" уулзалтыг зохион байгуулж байна.  

Ээлжит цахим уулзалт 2023 оны 10 дугаар сарын 03-ны өдөр зохион байгуулагдаж, Эдийн засаг, хөгжлийн яамны Төрийн нарийн бичгийн дарга И.Батхүү: жендэрийн эрх тэгш байдлыг хангах чиглэлээр хэрэгжүүлж буй үйл ажиллагаа, салбарын жендэрийн статистикийн талаар танилцуулж, жендэрийн мэдрэмжтэй шалгуур үзүүлэлтийг боловсруулж, Монгол Улсын урт, дунд, богино хугацааны бодлого, төлөвлөлттэй уялдуулах, Тогтвортой хөгжлийн зорилгын хэрэгжилтийн хурдасгах чиглэлд Хорооны гишүүдийн хамтын ажиллагаа, хүчин чармайлт чухал байгааг илэрхийллээ.

Танилцуулгатай холбогдуулан Удирдлагын академийн захирал Д.Сүрэнчимэг асуулт асууж, Удирдлагын академийн Төрийн албан хаагчдад зориулсан “Ахисан түвшний жендэрийн дүн шинжилгээ”, “Жендэрийн мэдрэмжтэй төсөвлөлт” цахим сургалтыг нээлттэй судлах боломжтойг онцолсон юм.