АЛБАН ХААГЧИД ШАГНУУЛЛАА
Тулгар төрийн 2232, Их Монгол Улсын 817, Үндэсний эрх чөлөө тусгаар тогтнолоо сэргээн мандуулсны 112, Ардын хувьсгалын 102 жилийн ой, Үндэсний их баяр наадмыг угтаж жендэрийн тэгш байдлыг хангах асуудлаар үр бүтээлтэй ажиллаж, хувь нэмрээ оруулж буй алба хаагч нарыг Монгол Улсын Ерөнхийлөгчийн 2023 оны 07 дугаар сарын 03-ны өдрийн 81 дүгээр зарлигаар Хөдөлмөрийн хүндэт медалиар шагнагдсаныг хүндэтгэлтэйгээр гардууллаа.
Жендэрийн үндэсний хорооны Ажлын албаны Салбар дундын бодлого зохицуулалт, хууль тогтоомжийн хэрэгжилт хариуцсан ахлах мэргэжилтэн О.Буянаа салбартаа 15 жил, Орон нутгийн хөгжлийн бодлого зохицуулалт хариуцсан ахлах мэргэжилтэн Д.Энхжаргал салбартаа 12 жил, Эмэгтэйчүүдийн хөгжлийн асуудал хариуцсан ахлах мэргэжилтэн Х.Цэнджав салбартаа 12 жил тасралтгүй ажиллаж салбарын бодлогын хэрэгжилтийг хангахад аргазүйн дэмжлэг үзүүлэх, мэдээллээр хангах чиг үүргийн дагуу ажиллаж буй чадварлаг алба хаагч нар юм.
Мөн Хорооны Ажлын албаны www.tentsuu.mn албан ёсны хуудсыг хариуцан ажиллаж буй Администратор Ц.Мөнхдэлгэр Хэвлэл мэдээллийн салбарт 23 жил тасралтгүй ажиллаж Монголын Сэтгүүлчдийн нэгдсэн эвлэлийн “Ган үзэгтэн” хэмээх эрхэм шагналаар шагнагдсан баярт үйл явдал боллоо.
Та нартаа халуун баяр хүргэж, гэр бүлд хамгийн сайн сайхан бүхнийг хүсье.
Нийтлэл хуваалцах
