МОНГОЛ УЛСЫН ИХ ХУРАЛ 18 ЖИЛИЙН ДАРАА УЛС ТӨРИЙН НАМЫН ТУХАЙ ХУУЛИЙН ШИНЭЧИЛСЭН НАЙРУУЛГЫН ТӨСЛИЙГ БАТАЛЛАА
Монгол Улсын Ерөнхийлөгч Ухнаагийн Хүрэлсүхийн санаачлан боловсруулж, Улсын Их Хуралд өргөн мэдүүлсэн Улс төрийн намын тухай хуулийн шинэчилсэн найруулгын төслийн эцсийн хэлэлцүүлгийг 2023 оны 07 дугаар сарын 03-ны өдөр Төрийн байгуулалтын байнгын хорооноос явуулж, баталсан нь Улс төрийн намын тухай хууль 1990 онд батлагдаж, 2005 онд шинэчлэн найруулснаас хойш анх удаа бүхэлдээ шинэчлэгдэж буй үйл хэрэг байв.
Энэхүү хуулийн төсөл батлагдсанаар намууд жендэрийн хариуцлагатай, дотоод ардчилалтай, нээлттэй, нийгмийн өмнө үүрэг хүлээдэг, хариуцлагатай болж, намуудад өрсөлдөөний ижил нөхцөл бий болгосноор авлигын түвшин буурч, намд итгэх иргэдийн итгэл дээшлэх бөгөөд цаашид намуудыг иргэдийн хүсэл зоригийг илэрхийлдэг, итгэл даах, БОДЛОГЫН НАМ болж төлөвшихөд чухал нөлөө үзүүлэх юм.
Уг хуулийн төсөлтэй холбогдуулан хууль хоорондын нийцлийг хангах зорилгоор Жендэрийн эрх тэгш байдлыг хангах тухай хуульд өөрчлөлт оруулах тухай хуулийн төслийн анхны хэлэлцүүлгийг хийлээ.
Нийтлэл хуваалцах
